Helgarföndrið

Ég var alveg að missa mig á föstudaginn, ég var með svo margar föndurhugmyndir í kollinum að ég vissi ekki á hverju ég ætti að byrja. En svona fór það

Ég var buin að kaupa mér nokkur svona pappírsegg í Tiger á 300 kr

Svo á ég góðan statta af blúndum, gamlar bækur sem ég hef keypt í Fjölsmiðjunni á Akureyri fyrir 50-100 krónur. Ég nota þessar bækur í ýmislegt t.d. klippti ég út firðildi úr bókunum í fyrra þegar var árshátíð í vinnunni og notaði í borðskraut auk þess sem ég bjó til hjörtu úr þeim málaði með vatnslitum brúnirnar á þeim og skrifaði með silfurpenna VELKOMIN einn staf á hvert hjarta, svo eitthvað sé nefnt.

Þetta egg þakti ég með blöðum úr bókinni sem ég reif niður í litla renninga og límdi á með límstifti því ég vildi hafa það matt.

Á þetta egg límdi ég blöðin á með límlakki og þá fær það glansandi áferð

Síðan límdi ég blúndu, gamaldags mynd og skrapp blóm á eggið

Þetta er matta eggið og á það setti ég gamaldags mynd blúndudúllu úr pappír, slaufu úr blúndu og blóm

Eggið séð á hlið

Svo fór ég í blómagerðina en mig er lengi búið að langa að prófa að gera blúndublóm

Þetta blúndublóm fær að vera skraut á páskaegg

Þessi blúndublóm gerði ég með því að klippa út hring úr fílti og svo límdi ég blúnduna á með límbyssu

Þessi blóm eiga eflsuat eftir að fá nýtt heimili á páskaeggjum sem bíða ný hvítspreyjuð eftir því að ég finni mér tíma til að klára þau

Blómahópurinn saman komin

Ég á nokkra svona kristala sem mér datt í hug að setja myndir aftan á og nota í hálsfestar

Hér er mynd af fugli með kórónu sem ég límlakkaði aftan á kristalinn

Hér setti ég mynd af kórónu ofana á letur

Svona lítur þetta út fullklárað

Og hér er fuglinn sem hefur félagskap af perlum og lykli, hvernig líst ykkur á þetta ? 

Algjör tilraunastarfsemi..

Ég set inn fleiri myndir seinna þegar ég er búin með fleiri egg.

gleðilegan sunnudag

kveðja Adda