Yfirleitt svona í ársbyrjun fyllist ég óstjórnlegri löngun til þess að hafa allt í röð og reglu og koma betra skipulagi á heimilið. Þessi löngun líður yfirleitt hratt hjá en þegar ég rekst á svona fallegar myndir þá er aldrei að vita.....
Nú þegar nýtt ár er byrjað þarf maður aðeins að laga til eftir jólin og gamla árið, taka niður jólaskrautið og þrífa svolítið svo allt verði hreint og fínt. En mér finnst nauðsynlegt að skilja séríurnar eftir og kveikja á kertum í myrkrinu.
Ég heiti Aðalheiður Hreiðarsdóttir og er alltaf kölluð Adda, ég er leikskólakennari og þriggja barna móðir á Akureyri. Ég hef gaman að því að dútla ýmislegt í höndunum og er að búa til perlukrossa sem ég sel í versluninni Sirku á Akureyri. Einnig bý ég til hálsfestar, armbönd og hjörtu.